Հաաստանի կառավարությունը, կրթության եւ գիտության ու պաշտպանության նախարարությունների համագործակցությամբ սկսում է մի ծրագիր, որով պատասխանատվություն է ստանձնելու բանակում ծառայող երիտասարդների աշխատանքային եւ կրթական գործունեության համար` զորացրումից հետո: Այդ մասին այսօր` փետրվարի 2-ին, կառավարության նիստում հայտարարեց Հայաստանի վարչապետ Տիգրան Սարգսյանը: Նրա խոսքով` յուրաքանչյուր զինծառայողի հետ աշխատանք է տարվելու, պարզելու նրա կարողությունը եւ ցանկությունը: Մասնավորապես` եթե զինծառայողը ցանկություն ունի զորացրվելուց հետո շարունակել ուսումը, ապա նրան հնարավորություն կտրվի ծառայության ընթացքում պատրաստվելու իր հետագա կրթական գործունեությանը: «Դա քաղաքական լուրջ որոշում է, որը կփոխի մթնոլորտը, ընտանիքները հանգիստ կլինեն, որ պետությունը ապահովելու է շարունակականությունը կրթության առումով»,- ասաց Տ. Սարգսյանը: | 
